Tarun Gogoi-a'n Brahmaputra lui tuin indemdan chinfel duh

Assam Chief Minister hlui Tarun Gogoi chuan Brahmaputra lui tui insem chungchanga India leh China-te'n buaina an neih ṭhin chu chinfel a duh thu Thawhṭanni khan a sawi.

Tunhnai khan Chinese Ambassador Luo Zhaohui chuan Assam a tlawh a, Gogoi nen Guwahati-ah inkawmna hun an nei a ni. Gogo chuan Luo Zhaohui hnenah hian ram pahnihten Brahmaputra lui tui insem chungchanga buaina an neih ṭhin chu chinfel a a duh thu hi a sawi a ni. Gogoi chuan, China sorkarin Brahmaputra lui hnar lamah tuikhuah lian tak siam a tum tih sawiin, hei hian Assam tan harsatna a thlen thei niin a sawi. Brahmaputra lui luan dan hi tihdanglam theih a ni lo a, harsatna nasa zawk a thlen hmain India leh China sorkar-te chuan he mi chungchang hi an chinfel thuai a ngai a ni, a ti.

He thil hi chingfel thuai turin Prime Minister Narendra Modi-a hnenah leh Minister of External Affairs-ah thlen a tum thu a sawi.

Congress hruaitu Gogo chuan Chinese Ambassador Luo Zhaohui hnenah hian, hel pawl ṭhenkhatte chu China sorkarin a hum ṭhin niin a sawi. Mahse hei hi Chinese Ambassador chuan phain, hmarchhhaka eng hel pawl mah an ram chhungah an hum loh thu leh, China sorkar chuan heng mite hi nuai chimih vek a duh zawk thu a hrilh a ni.