Assam-ah sapeltu mi pahnih kaphlum

Assam-a Orang national park-ah sapeltu mi pahnihte chu forest guard-te'n an that tih nimin khan official-te chuan an tarlang.

Forest guard-te chuan sapeltu mi pahnihte kut aṭang hian .303 rifle leh sapelna hmanrua eng emaw zat an man tih an sawi. Principal Chief Conservator of Forests (Wildlife) Bikash Brahma chuan sapeltute hian nimin khan park hi an lut tih a sawi a, samak pelh an tum tih a sawi. Mahse heng mite hian pawi an khawih hmain forest guard-te chuan an kaphlum niin a sawi. Forest guard-te chuan zing lam dar khat velah silai puak ri an hria a, sapeltute hi zawn nghal an ni a, inpe tura an tih hnuah pawh an inpek duh loh avangin kahhlum an ni ta a ni, a ti. Orang National Park hi lui kianga awm a ni a, a ram zau zawng hi sq.km 78.81 zet a ni. He park-ah hian samak 100 chuang an awm a, sapeltute chuan vawi eng emaw zat an lo bei tawh ṭhin a ni.