Ramsa ten mihringte ang bawkin dikna chanvo an nei : Pema Khandu

Arunachal Pradesh Chief Minister Pema Khandu chuan ramsa te chuan mihring ang bawka dikna chanvo an neih thu a sawi.

Chinf minister Khandu chuan he thu hi Wildlife Board meeting-ah a sawi chhuak a, planet chhunga cheng ramsa leh nungcha te chuan mihringte ang bawkin nunna an nei a ni, a ti. Board member kalkhawmte chu nung­changte humhalh kawngah nasa zawka hma la tura a duh thu sawiin, NGO hrang hrangte pawh thawhhopuiah a sawm a ni. Khawvela cheng ramsa leh nungcha te dikna leh chanvo humhalh sak an ṭul thu sawiin, mihringte ang bawka an dikna chanvo an chan theih nan zirtirna nasa zawk pek a ṭul thu a sawi bawk.

Meeting-ah hian Dibang Wildlife Sanc­tuary-a Tiger Reserve tihchereu zel vendan chungchang te sawi lan a ni bawk a, Eco-Sen­sitive Zone siam dan tur sawiho a ni. Hei bakah hian Dibang Wildlife Sanctuary tih hmasawn dan tur te sawiho a ni bawk. Board-ah hian chief minister hi chairman a ni a, a kaihhruaina hnuaiah meeting hi neih a ni. Pema Khandu chuan an thurelte chu cabinet meeting-ah thlen a tum thu a sawi.