Thirsakawrin ruang phur

Assam Chief Minister Sarbananda Sonowal chuan Health Services Directorate chu mithhi ruang thirsakawr hmanga phurchhuah a nih chungchang chhui turin a hriattir.

Tun hnai khan tele­vision channel pakhat chuan, Majuli-a tleirawl pakhatin thirsakawr hmanga damlo pakhat hospital a panpui lai leh, a thih hnua an khaw lam a panpui lai a tichhuak a, hei hian ngaihven a hlawh hle. Ruang phurtu hian an khaw panna kawngpui a mumal loh vangin thirsakawr hmnga ruang chu phur ta mai a nih thu a sawi a, kawng lakah mau hmanga siam lei zawh ngai tam tak a awm avangin motor a tlan thei lo tih a sawi. Chief minister Sonowal chuan a bial chhunga hetiang thil a thleng hi pawi a tih thu leh, hma lak nghal a nih tur thu a sawi. Majuli hi thliarkar a ni a, inkalpawhna ṭha awm lohna hmun tam tak a awm a ni.

Dam lo hi Thawhlehni khan Hospital thlenpui a ni a, oxygen pek hmain a boral hmkan tih, Manik Mili Hospital Superin­tendent chuan a sawi.