Manipur Lawyer-te'n lungawilohna lantir

High Court Bar Asso­cia­tion of Manipur-te chuan Andhra Pradesh mi leh sa Advocate General atan sorkarin a ruat duh lohna lantirin Thawhlehni khan lungawilohna an lantir.

Lawyer-te chuan Chief Minister N. Biren Singh hnenah memorandum an thehlut a, Advocate General atan an ram lei lung fa, K. Binoykumar dah zawk turin an phut. K. Binoykumar hi Bar Association-a president ni lai a ni. Bar Association thuchhuah siam chuan Advocate General atana sorkarin a ruat Andhra Pradesh mi chuan an

ṭawng a thiam dawn loh avangin harsatna a awm thei tih sawiin, tualchhung mi dah zawk tura an phut thu an sawi. Tunṭum hi state sorkarin tual chhung mi ni lo Advocate General atana a ruat vawi khatna a nih thu leh, sorkar chu a thutluk siam sut leh tura an phut thu an tarlang bawk.