Union minister-in Manarchak Power Plant hawng dawn
Union Power Minister Piyush Goyal chuan Tripura-a Manarchak power plant chu May 29 khian a hawng dawn.
Tripura Power minister Manik Dey chuan an sawmna hi Union Minister hian a pawm tawh thu sawiin, ruahman dan chuan May 29 khian Goyal hian Tripura a thleng dawn a ni. Manarchak Power Plant hi power Megawatt 101 pe chhuak thei tur a ni a, Gas Turbine hmangin megawatt 66 a pe chhuak dawn a, Steam turbine hmangin megawatt 35 a pe chhuak dawn bawk a ni. Tripura sorkar chuan Bangladesh sorkar hnenah power hralh chhuak turin inremna a ziahpui tawh a, Tripura State Electricity Corporation (TSECL) chuan ram ṭhenawm hnenah hian power ṭhahnem tak a hralh chhuak mek bawk.