Assam sorkarin ṭhalai nuai chuang training pek tum

Assam sorkar chuan state chhunga ṭhalai nuai 1.5-te chu kumin chhungin skill development training pek a tum thu a puang.

Assam-ah hian a ṭum khatna atan BJP kaihhruai sorkar a ding a, sorkar thar chuan ṭhalai hna nei lo mi tam tak an awm tih hriaiin, eizawnna mumal an neih theih nan traning hi pek a tum tih, Skill Development Mission director P Tiwari chuan a sawi. Chief Minister Sarbananda Sonowal chuan ṭhalai a tam thei ang ber hnenah traning hi pek tum a nih thu sawiin, district pakuaah Centre of Excellence din a nih tur thu a sawi. Hemi atan hian Singapore-a hmnunpui nei institute nen inremna Memorandum of Understanding ziah a ni tawh a, skill development centre din turin inremna an siam a ni tawh.

Assam sorkar chuan Minis­try of Skill Development & Entre­preneurship (MSDE)-in Pradhan Mantri Kaushal Vikas Yojana (PMKVY) a duan chu a kalpui mek a, he scheme hnuaiah hian Skill traning chhuak te chu certificate pek zel an ni. Hei bakah hian district zawng zawngah Pradhan Mantri Kaushal Kendra din tura hma lak mek a ni bawk.