Manipur-in Khongjom Day hmang

Manipur sorkar chuan kum 1891-a British laka India Independence sualnaa Manipur pasalṭha thite hriat­rengna champha pualin, Khonjom Day an hmang.

Chief Minister Nong­thombam Biren Singh leh Governor Najma Heptullah-te chuan Thoubal district-a Khonjam War memorial an tlawh a, pasalṭha nunna chantate zahna lantirin pangpar an dah a ni. Governor chuan hnam tana zalenna sualtu hnam pasalṭha te chu hriatreng an ni tawh dawn a, ṭhangthar lo awm zel turte pawhin an hre reng dawn a ni, a ti. Hnam tana martar-te chuan chawimawi an phu thu a sawi bawk.

Chief minister Biren Singh pawhin ram tana zalenna sualtu hnam pasalṭha-te chanchin chuan ṭhangthar lo awm zel turah chona a pek ngei a rin thu sawiin, an thisen luang chu a thlawn lo tih hriattharna ni nise a duh thu a sawi bawk.