A pasal enkawl nan nu-in a fa hralh

West Tripurap-a tribal nu pakhat chuan a pasal damlo enkawl nan an fapa ni 11 leka upa chu Rs 5,000-in a hralh.

Nupa te hi kut hna­thawka eizawng an ni a, a pasal hian hun rei tak chhung a hrisel lohna avanga hna a thawh theih loh avangin in enkawlna tur sum leh pai an nei lo. Naute nu Usha Ranjan Debbarma chuan a pasal damlo enkawlna sum an mamawh thu sawiin, sum an neih ngang loh avangin an fapa ni 11 leka upa chu inenkawlna atan an hralh tih a sawi. 

An inenkawlna tur hian sorkarah sum a dil thu sawiin, pek an nih loh avangin an fapa chu loh theih lohna avangin an hralh ta mai tih a sawi. Naute hi hralh a nih hnuah Child Line Foundation-te chuan an zawng chhuak a, sorkar enkawl fahrah in-ah an dah a ni. Tripura-ah hian tun hnai kum hnih chhunga hetiang thil a thlen ṭum thumna a ni.