Nagaland Gover-nor-in Commission din rawt

Nagaland Governor P B Acharya chuan mihring dikna leh chanvo humhalh zel a nih theih nan, state sorkar-ah state human rights commission din a rawt.

Governor P B Acharya chuan, Protection of Human Rights Act of 1993 tlawhchhanin state human rights commission hi din theih a nih thu a sawi a, commission chuan mihring dikna chanvo rahbehna leh a kaihhnawihte a chhui thei a ni, a ti. Mipuiten education, public health, food, agriculture, employment leh livelihood lama an dikna chanvo te an neih theih ngeina turin hma lak a ngaih thu a sawi. Hei bakah hian mihringte intluk tlanna te, zalennna humhim turin state human rights commission hi din ngei a ngai niin a sawi a, state sorkar chu hma la turin a ngen bawk.