Meghalaya Chief Minister-in FIR a thehlut

Meghalaya Chief Minister Mukul Sangma chuan Twitter-ah a hming hawha account lem siam an awm avangin FIR a thehlut niin police-te chuan an sawi.

CM Sangma hian a hminga account lem siam a nih chung­changah hian Sadar police station-ah thubuai a thehlut tih, East Khasi Hills district police officer, Davies Marak chuan a sawi. A account lem aṭang hian, “Inthlan-ah hnehna ka chan leh chuan Shillong-ah ṭip zawrh leh zuk khap a ni lo ang" tih te post a ni. Hemi chungchangah hian police-te chuan Information Technology Act leh Indian Penal Code behchhanin thubuai an ziak lut tawh a a, chhui zui mek a ni.

Tunhnai khan Nagaland Governor PB Acharya pawhin, social media lamah a hminga account lem siam a awm tih a hriat avangin thubuai a lo ziak lut ve tawh bawk.