Tripura sorkarin NH kianga zu dawr sawn dawn

Tripura sorkar chuan National Higway (NH) kawngpui kama zu dawrte chu a sawn chhuak vek dawn.

Supreme Court (SC) chuan nikum December 15 khan NH kawngpui kama zu zawrh khapna hi a lo tichhuak tawh a, kawngpui aṭanga metre 500 huamchhunga zu dawrte chu khar vek turin thupek a chhuah a ni. Hei hi ram pumah hman tura tih a ni a, state eng emaw zat chuan a takin an kalpui tawh. Tripura sorkar thuchhuah chuan SC thupek hi a taka kalpui tum a nih thu kar kalta Zirtawpni khan a tarlang. State chhunga zu dawr 131 zinga 82-te chu NH leh Highway hnaiah awm an ni a, heng te hi sawn chhuah vek tum a nih thu Excise Department chuan a tarlang.

State sorkar chuan Tripura Excise Act, 1987 tlawhchhanin Tripura Excise Rules, 1990 chu a lo siam ṭha tawh a, he dan hmang hian NH kawngpui

aṭanga metre 500 huamchhunga awm te chu insawn chhuak tur leh, dan zawm duh lo te chu licence tihtawp sak an nih tur thu a tarlang a ni. He dan hmang vek hian zirna-in, sakhaw hmun pawimawh, hospital, political party office, industry leh factory bulhnaia zu zawrh khapna a tichhuak bawk. Tripura sorkar hian kum 2016-17 chhung khan zu chhiah aṭangin cheng vaibelchhe 162 a hmu a, kum hmasa aia a tamna chu vaibelchhe 19 a ni.