Nagland-ah Asia-a biak-in lian ber hawng dawn

Nagaland-a Sumi Baptist Church Zunheboto (SBCZ) biak-in chu hawn a ni dawn a, Asia khawmualpui-a biak-in lian ber a tur a ni ang. Sumi Baptist Church Zunheboto awmna san zawng hi tuipui aṭanga tehin meter 1864.9 zet a ni a, biak-in bulṭhut hi sq.ft 23, 73,476-a lian a ni. A sei zawng hi feet 203 a ni a, a san zawng chu feet 166 a ni. Mi 8,500 leng thei tura duan a ni a, room hrang hrang 27 zet a awm a, dressing room, conference hall, training-na hmun leh baptisma chantirna tur hmun te a hran veka siam a ni.

Kum 10 chhung zet sak a ni tawh a, a sak nan hian cheng vaibelchhe 36 ruahman a ni a, kohhran member-te thawhkhawm eng emaw zat a awm. Nagaland-a Zunheboto-ah hian mihring 15,000 vel an cheng a, khawpui lian tak a ni hran lo. A hawn ni tur hi tarlan a la ni lo bawk.