Tripura : IPFT aṭanga chhuakten TIPRA an zawm

Tripura-a BJP thawh­pui, Indigenous People’s Front of Tripura (IPFT) member 8,000 dawn chuan Inrinni khan Pradyot Kishore Debbarman kaihhruai, TIPRA Motha an zawm. An zingah hian party hruaitu eng emaw zat an tel.

Chief minister Manik Saha kaihhruai BJP-IPFT ṭangrual sorkarin IPFT minister Mevar Kumar Jamatia chu TIPRA hotu Debbarman nen inzawmna nghet tak an nei nia puha minister a nihna aṭanga a ban leh, IPFT party aṭanga hnawhchhuah a nih avangin an party chhungah lungawi lohna a awm a, Jamatia lamṭang lungawi lote hian an party chhuahsanin Greater Tipraland an thlawpna lantir nan, Tripura Tribal Areas Autonomous District Council (TTAADC)-a rorellai, TIPRA Motha hi an zawm tih an sawi.

TIPRA hotu Debbarman chuan Greater Tipraland a din theihna tura an beihna kawnga an tha tichak tura mi tam takin an party an zawm chu lawmawm a tih thu a sawi a ni.