NDA Presidential candidate-in Tripura a tlawh dawn

India President thlanna neih turah rorellai, BJP kaihhruai National Democratic Alliance (NDA) candidate, Droupadi Murmu-i chuan vawiin hian Tripura a tlawh dawn.

Tripura Assembly speaker Ratan Chakraborty chuan Murmu hian campaign turin an state hi a tlawh dawn tih a sawi a, MP leh MLA-te meeting a neihpui dawn a ni. President thar hi July 18 hian thlan a ni ang.

Chakraborty chuan inthlan hi felfai taka buatsaih a nih theih nan hma an lak thu leh, an inbuatsaih dan en tur hian Parliament Secretariat team chuan July 16/17 hian an rawn tlawh dawn tih a sawi.

Tripura-a rorellai BJP hian MLA 36 neiin, an thawhpui Indigenous People's Front of Tripura (IPFT) hian MLA pasarih a nei bawk. Lok Sabha-ah hian BJP hian MP pahnih leh Rajya Sabha-ah MP pakhat a nei bawk.

Member 60 awmna Legislative Assembly-ah hian eptu party, CPI(M) chuan MLA 15 leh Congress-in MLA pakhat an nei a ni.