Ruihhlo tawlhruknaa inhnamhnawih AP police 2 man

Arunchal Pradesh khawpui Itanagar-ah ruihhlo zuar pahnih man an ni a, ruihhlo tawlhruknaa inhnamhnawih police pahnih man an ni bawk.

Senior officer chuan mi pahnih an mante kut aṭang hian heroin gram 90 chuang an man tih a sawi.

Police team hian thu an dawn bawhzuiin ruihhlo zuar pahnihte hi Agartala-a Ramakrishna Mission Hospital bulah an ruihhlo zuar nen hian an man a, thu an zawhfiahnaah ruihhlo tawlhruknaa inhnamhnawih police pahnihte hming hi an sawilang tih SP Jimmy Chiram chuan a sawi. Hemi hnu hian constable pahnih, state police leh 4th India Reserve Battalion amite chu manin, an kut aṭang hian pawisa fai Rs 32,000 an man tel bawk a ni.

Mi palite hi Narcotic Drugs and Psychotropic Substances Act, 1985 hnuaiah thubuai siamsak nghal an ni. Ruihhlo supply-tute hi hriatchhuah tuma chhui zui mek an ni tih SP chuan a sawi.

Chiram chuan ruihhlo do hna an thawhnaah mipuite chu tawiawm tura ngenin, ruihhlo zuar an hriatte pawh hriattir zel turin a ngen.