BSNL-in hmarchhak state pathumah Tower 111 bun dawn

Bharat Sanchar Nigam Ltd (BSNL) Chief General Manager K K Saxena chuan, hmarchhak state pathum - Meghalaya, Mizoram leh Tripuara-ahte Tower 111 an bun thar dawn tih kar kalta Inrinni khan a sawi.

BSNL Chief General Manager K K Saxena chuan, customer service ṭha zawk neih chhoh zel an duh thu sawiin, hemi tur hian hma an lak mek thu a sawi. Heng state pathumahte hian Tower bun belh turin thutlukna siam a ni tawh a, hna ṭan thuai beisei a ni, a ti. NE-1 circle - Meghalaya, Mizoram leh Tripura-ahte hian Base Transceiver Stations (Tower) 111 bun a ni dawn a, Meghalaya-ah 56, Tripura-ah 46 leh Mizoram-ah 9 te bun a ni ang. Hemi atan hian cheng vaibelchhe 50 ruahman a ni, a ti. Tripura-ah hian BSNL Tower 386 zet a awm sa a, Meghalaya-ah 244 awmin, Mizoram-ah 114 bunsa a awm a, a vaiin Tower bunsa 771 a awm a ni.

NE circle Chief General Manager K K Saxena chuan customer-te tan plan thar pathum an neih thu sawiin, prepaid service bikah free call leh internet data man tlawm zawkin an chhawpchhuak dawn tih a sawi. BSNL NE-1 circle huam chhungah hian mihring vaibelchhe 1.24 zet an awm a, Tower pakhat zel hian mi 5,000 vel zel chawm thei tura ngaih a ni. Hmarchhak state hi circle pahnih - NE-1 leh NE-2-ah te ṭhen a ni a, BSNL hian customer 17.4 vel a nei anga chhut a ni.