L Birendrakumar-a'n Padma Shri dawng

Manipuri musicologist Laishram Birendrakumar Singh (97) chuan music lama a thawhhlawk avangin, India rama civil mite chawimawina sang ber palina 'Padma Shri Award' a dawng.

Birendrakumar Singh hian award dawng turin Delhi a pan theih loh avangin, Chief Secretary O Nabakishore Singh chuan a chenna Kwakeithel Ningthemkol Leikai-ah Inrinni khan a hlan a ni. Birendrakumar chuan 'Padma Shri Award' a dawng thei chu lawmawm a tih thu sawiin, a hlim takzet tih a sawi. Award a dawn chu Manipuri folk music-in hma a sawn zel theih nan a hlan tih a sawi a, music lama a hnathawhte ram mipuiten an hriatpui avangin a lawm hle tih a sawi bawk. Birendrakumar Singh hian music lama a thawh hlawk avangin 'Sangeet Natak Akademi award' a lo dawng tawh bawk.