Chakma leh Hajong-te ST status pek theih an ni lo : Kiren Rijiju

Union minister of state for Home Kiren Rijiju chuan Arunachal Pardesh-a Chakma leh Hajong hnamte chu Scheduled tribe (ST) status pek theih an nih loh thu a sawi.

Kiren Rijiju chuan, "Chakma leh Hajong-te ST status pek an nih theih nan hian Supreme Court-ah affidavit thehluh a ni a, mahse thil khirhkhan tak a nih avangin tun dinhmunah chuan pek theih an ni lo" a ti. ST status pek an nih theih nan hian central-a minister-te pawh a dawr tur thu sawiin, theihtawp chhuaha hma lak a tum thu a sawi. Union Minister Rijiju hian tunhnai khan Assam-a hnam paruk - Moran, Muttock, Tai Ahom, Koch-Rajbongshi, Sootea leh Tea Tribe-te chu ST status pek an nih tur thu a lo sawi tawh a, sorkar laipui pawhin hemi chungcgangah hian thutlukna a siam tawh tih a sawi.

Rijiju chuan Assam-Aruna­chal boundary chungchang sawiin, chinfel thuai a nih theih nan sorkar laipuiah a thlen tur thu a sawi. State pahnihte chu ramri chungchangah inremna siam tura hma la tura ngenin, buaina chinfel thuai chu thil pawimawh tak a nih thu a sawi bawk.