Tripura CM-in RS member aṭanga banna thehlut July 8-ah Tripura MLA atan lakluh a ni dawn

Tripura chief minister Der Manik Saha chu July 8 hian MLA atan lakluh a ni dawn tih Tripura speaker Ratan Chakraborty chuan a sawi.

Tripura chief minister aṭanga Biplab Kumar Deb a ban hnuah a thlaktu atan Manik Saha hi ruatin, May 15 khan CM atan lakluh a ni. Mahse Rajya Sabha member nilai a ni a, Assembly member a la ni lo. Hei vang hian CM atana lakluh a nih aṭanga thla ruk chhunga Assembly member-ah thlan tlin a ngai a ni. June 23-a by-election neihah khan Town Bordowali bialah Saha hi thlan tlin a ni a, by-election neihna dang assemby bial pathuma thlan tlinte chu MLA atan lakluh ni tawh mah se, CM erawh hi chu lakluh a la ni ve lo.

Manik Saha hian Thawhṭanni khan New Delhi-ah Vice President leh Rajya Sabha chairman, M Venkaiah Naidu hnenah Rajya Sabha member a nihna aṭanga banna a thehlut a ni. Hemi hnu hian Tripura assembly speaker Ratan Chakraborty chuan kum 69 mi, Saha hi July 8-ah state assembly member atan rinawmna thu tiamtira lakluh a nih tur thu a sawi.