Assam-ah bawng ruk tum chil rawn

Assam-a Nagaon district-ah Pathianni khan bawng ruk tuma puh mi pahnihte chu mipuiin an chil rawn tih police-te chuan an sawi.

Police-te chuan bawng ruk tumtute hi kum 20-25 mi vel an nih thu sawiin, mipui thinrim chuan an bei ta mai tih an sawi. Thil thlenna hmun hi police-te chuan an pan nghal a, boruak duhawm loh zawk a thlen hmain an ṭhelh mit thei a ni. Hliam tuar mi pahnihte hi damdawiin panpui nghal an ni a, hliam na tak an tuar a ni. Bawng ruk chungchanga inhnamhnawiha puh chhungte hian Nagaon police station-ah thubuai an ziak lut tih, superin­tendent of police Debaraj Upadhay chuan a sawi.

Police-te chuan Nagaon district-ah hian bawng ruk a hluar hle tih an sawi a, heng mi pahnih pawh hi bawng tla lai ruk an tum chu mipuiten hmuin an sawisa zui ta mai a ni, an ti.