NEHU-in convocation hmang

North Eastern Hill University (NEHU) chuan kar kalta Zirtawpni khan convocation vawi 24-na an hmang a, zirlai 9,000 zet degree pek an ni.

Zirlai dergree pek te hi PhD 127, MPhil 47 leh postgraduate deg­ree 839 an ni a, an ni bakah hian mi 7,975 hnenah bachelor degree pek an ni bawk. He hun hmanpuitu Dr Saraswat chuan India ram chu khawvela ram ṭhang chak ber te zing a mi a ni a, nasa takin hma lam panin a kal zel a, hemi kawngah hian zirna hi a pawimawh em em a, tun dinhmun a thlen theihna chan pawh hi a ni, a ti. A bikin science and technology lama hmasawnna chuan ram hmasawnna kawngah nasa takin a pui tih a sawi a, zirlai degree nei thar te chu degree neiha duh tawk mai lo a, ram tan chhenfakawm ni turin a fuih.

Hetih lai hian NEHU Students Union (NEHUSU)-te chuan convo­cation hman ni hian lungawi lohna an lantir a, an thil phut hrang hrangte tihlawhtling turin University thuneitute an kar. Lungawilote hian convocation hi an tibuai lo a ni.