Nagla MLA Naiba Konyak-a'n Chief Minister tan hmun a kian

Nagaland MLA Naiba Kon­yak chuan Nagaland Chief Minister Dr Shürhozelie Lie­zietsu tan a hmun a kian.

MLA Naiba Konyak hi assembly election hnuhnung berah khan Tobu Assembly Constituency aṭanga thlan tlin a ni a, MLA nilai a ni. Tobul District Demand Committee (TDDC) chuan CM tana Konyok-a'n seat a ken thu hi an sawi.

Nagaland sorkarin Urban Local Body (ULB) election-a hmeichhe tana seat 33% hauhsak tura thutlukna siam chu tribal-te'n nasa takin an dodal a, hetih hun laia chief minister T.R Zeliang chu bang turin an nawr a ni. Tribal-te'n nasa taka bang tura an nawr hnuah Zeliang chuan banna a thehlut a, Dr Shürhozelie Liezietsu hi chief minister atan lakluh zui a ni.

Dr Liezietsu hi MLA ṭanglai a nih loh avangin thlan tlin a ngai a, hemi tur hian constituency pakahatah inthlan buatsaih a ngai a ni. Mahse MLA Naiba Konyak-a'n a seat a ken tak avangin inthlan hi buatsaih a ngai dawn ta lo a ni. Chief minister Dr. Liezietsu hi Tobu Assembly Constituency-ah hian chuh tum awm loin tlingah puan a ni. TDDC chuan thuchhuah siamin, Tobul A.C chu Naiba Konyak hian ken a remti ta tih an sawi. TDDC-te chuan CM Dr. Shürhozelie Liezietsu-a kaihhruai sorkar chuan an thil phut a tihhlawh tlin sak ngei an beisei thu sawiin, district-ah hlankai thuai an duh thu an sawi.