Tripura sorkarin rualban lote hamṭhatna tipung

Tripura sorkar chuan pian­phunga rualbanloten nupui pasal an neih dawna ṭanpuina sum a pek ṭhin chu cheng 50,000-ah tihpun a nih thu Thawhlehni kha a sawi.

Chief Minister Manik Sarkar-a kaihhruai Council of Minister meeting chuan ralbanlote hamṭhatna pek ṭhin tihpun hi a rel a ni. State sorkar chuan rualbanlo nupui pasal nei turte chu ṭanpuina cheng 6,000 a pe ṭhin a, hei hi cheng 50,000-ah tihpun a remti. Information and Finance Minister Bhanulal Saha chuan, pianphunga rualbanlote hnena ṭanpuina pek ṭhin hi kum 1986 aṭanga kalpui ṭan a nih thu sawiin, hun rei tak tihdang lam a nih loh hnuah, a vawikhatna atan ṭanpuina sum hi tihpun a ni ta a ni, a ti. State sorkar chuan an hamṭhatna tur kawng hrang hrang a ngaihtuah sak thu a sawi bawk.

Tripura-ah hian kum 2011 chhiarpui khan pianphunga rualbanlo mi 70,000 an awm a ni. Pratibandhi Awdhikar Manch state Secretary Salil Debbarma chuan state sorkar leh sorkar laipuiten an thilphut an tihlawhthing chu lawmawm a tih thu a sawi.