Gauhati High Court-in Delhi CM lakah stay order tichhuak

Gauhati High Court chuan Thawhlehni khan Delhi Chief Minister Arvind Kejriwal lakah 'stay order' a tichuak.

Delhi Chief Minister Arvind Kejriwal hian Prime Minister Narendra Modi chu education qualification mipui hriatah tlangzarh turin a phut a, a degree neih chu a lem niin a sawi. Kejriwal hian nikum December 15 khan Twitter-ah Modi hian pawl 12 chauh a pass niin a tarlang a, a degree neih chu a lem a nih thu leh, ram mipuite a bum thu a tarlang a ni. A thusawi avang hian Assam-a BJP hruaitu Surjya Rongphar chuan December 26, 2016 khan Gauhati High Court-ah thubuai thehluh a ni a, defamation case siam sak a ni. Karbi Anglong Chief Judicial Magistrate (CJM) chuan Kejriwal hi court-ah inlan turin a lo hriattir tawh a ni.

Senior advocate Diganta Das chu Arvind Kejriwal-a aiawhin Gauhati High Court-ah hian a ding a ni.