NGT-in Rs vbc 25 chawi turin OIL hriattir

National Green Tribunal (NGT) principal bench, Justice SP Wangdi leh Siddhanta Das awmna chuan Oil India Limited (OIL) hnenah Assam-a an oilfield-a oil khur kang chungchangah Tinsukia district magistrate hnenah cheng vaibelchhe 25 pe turin a hriattir a, Tribunal thupek dangte pawh zawm turin a ti  bawk. 

Tinsukia-based NGO, Wildlife and Environment Conservation Organisation chuan June 9-a Baghjan oil field-a oil khura kangmei chhuak chungchangah petition a thehluh a ni. Oil khur kanna hmun hi Maguri-Motapung Bee leh Dibru Saikhowa National Park bula mi a ni a, kangmei chhuak hian natural gas leh oil te chu boruak sang takah vawrhin, a chhehvela kilometre khat bial aia zauah a darh a ni. 

NGO advocate leh legal advisor, Sant Rakshit Manu chuan oil khura kangmei chhuakin a chhehvel ram a tihchhiat dan leh, mihring leh ramsate tana chhiatna a thlen dante a ngaithuah hnuah, court-in OIL hnenah chentg vaibelchhe 25 chawi tura ti chu lawmawm a tih thu a sawi a, hemi rual hian he thubuai hi a la tawp mai dawn lo a, buaipui tur a la tam dawn hle tih a sawi.