Assam-ah Covid-19 kai thar 276 awm

Assam-ah Ningani khan hri kai hmuh chhuah thar mi 276 an awm leh a, heng mite nen hian hri kai hi mi 6,646 an awm tawh a ni. 

Health minister Himanta Biswa Sarma chuan hri kai hmuh tawh zinga 4,033 chu enkawl dam ni tawhin, damdawiin aṭangin an chhuak tawh tih a sawi. He hri vanga thi Assam-ah hian mi 11 an awm tawh bawk. 

Assam sorkar chuan hri kai darh zel tur venna kawng khat atan sample test a tam thei ang neih tumin hma a la chhunzawm zel a, Ningani thleng khan sample  3,51,753 test a ni tawh.