Arunachal Assembly Building tharah session nei dawn

Arunachal Pradesh Legislative Assembly building sak tharah a vawi khatna atan May 12 hian session neih a ni dawn

Arunachal Chief Minister Pema Khandu chuan Assembly building sak mek chu zawh fel la ni lo mah se a vawi khatna atan session neih a ni dawn tih a sawi. Assembly speaker Tenzing Norbu Thongdok pawhin building thara session neih a nih tur thu hi Thawhlehni khan a lo sawi tawh bawk. Building tharah hian mi 90 ṭhutna siam a ni a, a chhung hi tunlai thiamna sang tak hmanga chei bawl a ni a, sound system ṭha tak dah a ni. Bangah TV screen lian eng emaw zat dah a ni a, session neih lai chu live-in a en theih dawn a ni. Assembly tlawhtute ṭhutna tur gallery hran siam a ni a, first floor-ah media gallery siam a ni bawk.

CM, Speaker, Deputy Speaker leh MLA-te tan office chamber siam hran vek a ni bawk a, library hall, cafeteria leh conference hall changtlung tak a awm bawk. Chief Minister Pema Khandu chuan assembly building thar hi hawn thuai tum a nih thu a sawi.