TIT-ah MTech programme ṭan phalsak

Tripura engineering degree college awmchhun, Tripura Institute of Technology (TIT) chuan All Indian Council of Technical Education (AICTE) aṭangin session kal mek aṭangin course pathum bikah Mtech programme kalpui phalna a hmu tih education minister Ratan Lal Nath chuan a sawi. 

Nath chuan press conference-ah hemi chungchang hi sawiin, specialisation course pathum neih phalsakte chu Very Large Scale Integration (VLSI) and Embedded System, Thermal Engineering leh Data Science a nih thu a tarlang. Mtech programme pathumah hian zirlai 18 ṭheuh an awm thei dawn a ni. 

Minister chuan kum 2019 khan National Board of Accreditation (NBA) aṭangin course pathum - electronic & communication engineering, computer science & engineering leh mechanical engineering atan phalna an hmuh tawh thu a sawi bawk.