Hmarchhak state-te hnenah ‘Revenue Deficit Grant’ Rs vbc 1,603 pe chhuak

Union ministry of finance chuan Nilaini khan hmarchhak state pasarihte tan Post Devolution Revenue Deficit (PDRD) Grant, 4th monthly instalment Rs vbc 1,603.41 a pe chhuak.

15th Finance Commission chuan financial year 2022-23-ah state 14-te tan Post Devolution Revenue Deficit Grant hi Rs. 86,201 a ruahman a ni. Department of Expenditure chuan heng state-te hnenah hian grant hi instalment-in a pe chhuak ṭhin. July thla atana instalment vawi 4-na a pekchhuah nen hian, kum 2023-23 atana state-te hnena Revenue Deficit Grants a pek chhuah tawh hi Rs vbc 28733.67 a tling.

Hmarchhak state pasarihte tana 4th instalment pekchhuah chu - Assam tan Rs vbc 407.50, Manipur tan Rs vbc 192.50, Meghalaya tan Rs vbc 86.08, Mizoram tan Rs vbc 134.58, Nagaland tan Rs vbc 377.50, Sikkim tan Rs vbc 36.67 leh Tripura tan Rs vbc 368.58 pek a ni. PDRD grant hi Constitution Article 275 hnuaiah state-te hnenah hian pek an ni.

15th Finance Commission-in kum 2022-23 atana PDRF Grant dawng tura a thlan state dang pasarihte chu - Andhra Pradesh, Himachal Pradesh, Kerala, Punjab, Rajasthan, Uttarakhand leh West Bengal te an ni. Heng state-te nena Nilainia state 14 tana grant pek chhuak hi a vaiin Rs vbc 7,183.42 a ni.