PM Modi-a'n Assam mipuite puih zel a tiam

Prime minister Narendra Modi chuan Assam mipuite hnenah, sorkar laipui leh state sorkar chuan ruahsur nasa avanga harsatna an tawhte tihziaawm a, theihtawpa ṭanpui hna an thawh zel tur thu a sawi.

Tun hnaia tuilian avanga Assam-in hun khirh leh hrehawm tak a tawh chu pawi a tih thu a sawi nghal bawk. Assam chief minister Himanta Sarma leh a team-te chuan tuilian tuarte chhanchhuah leh chhawmdawl hna hi chhunah leh zanah theihtawp chhuahin an thawk reng a ni, tiin PM Modi chuan Nilainia virtual hmanga Agradoot group of newspaper golden jubilee lawmna a hawnnaah a sawi.

Assam tuilian hian ziaawm lam a pan zel a, tuilianin a nghawng buai mek hi mi nuai 9.68-ah an tla thla tawh a ni. Mahse Nilaini khan tuilian vangin mi pahnih an thih belh leh.

Thuneitute chuan tuilian tuarte tana relief camp leh distribution centre 295 siam mek a la ni tih sawiin, relief camp-a awm mi tam tak chu an chenna in lamah an kir tawh a ni.