Hmarchhak-ah Agniveer recruitment kalpui ṭan

Sorkar laipuiin sipai lak dan tur a siam, Agnipath scheme hnuaiah sipai lak runpui chu hmarchhak state-ah kalpui ṭan a ni.

Agnipath scheme hnuaia sipaia lak, 'Agniveer' tia sawi lakna tur hi Manipur-a district tin tan neih hmasak a ni ang. Defence thupuangtu Lt Col Moht Vaishnava chuan September 7-13 chhung hian Manipur district tin tan Dimapur-a Bhagat Stadium, Rangapahar Military Station-ah sipai lak runpui hi neih a ni dawn tih a sawi. Online registration hi July 5 aṭangin hawn ṭan a ni a, August 3 thleng tih theih a ni ang. Kumin atan bik sipaia luh tumte tan sorkar laipui chuan kum bithliah a siam, kum 21 chin a tih chu kum 23-ah a tisang a ni.

Shillong-based India Air Force station pawhin Agnipath scheme hnuaiah Agniveer Vayu Intake atan selection test, Indian leh Nepalese, nupui la nei lote tan a buatsaih dawn bawk. Online examination hi July 24 aṭang hian neih a ni ang.