AP-a Panchayat inthlan turah chuhtu awm loin seat 102-ah BJP chak

Arunachal Pradesh-a panchayat seat 130-a by-election neih turah BJP chuan chuhtu nei loin seat 102-ah hnehna an chang nghal.

Gram Panchayat seat 130 leh zilla parishad constituency by-election hi July 12-ah neih tur a ni a, July 16-ah vote chhiar a ni ang. BJP hian panchayat seat 102 hi chuhtu awm loin an la nghal a, Congress-in seat 14 an la nghal bawk. Changland district-a panchayat seat 40 leh zilla parishad seat pakhata inthlan neih hun tur leh thupek dinhmun avangin sawn a ni.

Chief minister Pema Khandu chuan mipuite chungah lawmthu sawiin, union law minister Kiren Rijiju chuan chuhtu awm loa BJP-in seat tam tham tak an la nghal thei chuan mipuiten CM Khandu an la rintawk zia a tilang a ni, a ti. Deputy chief minister Chowna Mein pawhin mipuiten centre-a prime minister Narendra Modi kaihhruai BJP sorkar leh an state-a BJP sorkar chungah rinna an nghat ngam zia a tilang tih a sawi ve bawk.