Assam : Muslim sub-group 5-te 'indigenous status' pek remti

Assam cabinet chuan an state chhunga Assam ṭawng hmang, Muslim sub-group panga -Syed, Goriya, Moriya, Deshi leh Jolha te chu 'indigenous status' pek a remti.

Chief minister Himanta Biswa Sarma chuan thla hmasa khan Assam-a leilung fa, minority-te dinhmun thliar felna turin hma lak a ni dawn tih a lo sawi tawh a, minority zingah Assam leilung fa dik tak leh pem lutte hriat an ngai a ni, a ti. Hemi hnu hian cabinet hian he thutlukna hi a siam ta a ni.

Cabinet-in thutlukna a siam hma thla thum vel kal taah khan sub-group/committee pasarih, Assam-a indigenous minority-te tihhmasawn dan tur ruangam siamtute chuan Chief Minister hnenah an rawtna neihte an lo thlen tawh bawk.

Assam health minister Kesbha Kumar Mahanta chuan cabinet meeting zawha thu a sawiah, "Heng Muslim community pangate hi Assamese Muslim sub-group emaw, indigenious Assamese Muslims emaw tih an ni tawh ang," tiin a sawi.