Manipur sorkarin Petrol Pump-te vau

Manipur Consumers Affairs, Food and Public Distribution (CAF&PD) chuan Ningani khan thuchhuah an siam a, petrol pump neitute chu mipuite hnenah oil hralh chhuak turin a ti.

Manipur-ah hian oil indaih lohna a nasa chho leh mek a, petrol pump eng emaw zat chu khar a ni. April 30 khan Assam aṭanga Manipur pan oil tanker-te chu National Higway (NH) - 2-ah helten an lambun a, truck driver-te chuan venhimna ṭha zawk pek phutin lungawi lohna an lantir a ni. He thil thleng vang hian petrol pump eng emaw zat chu khar a ni. Nawrh hi May 1 leh 2 khan an kalpui a, mahse Chief Minister N Biren Singh-a'n venhimna ṭha zawk pek a tiam hnuah an titawp lailawk a ni. Hetihlai hian Consumers Affairs, Food and Public Distribution-te chuan state chhunga petrol pump hrang hrangte an tlawh kualnaah, pump

ṭhenkhat chu oil nei reng chunga khar a ni tih an hmuchhuak a, thupek hi an chhuah ta a ni.

CAF&PD director Ranjan Yumnam chuan, mipuiten harsatna nasa zawk an tawh lohna turin pump neitute chu inhawng tura hriatir an nih thu a sawi a, dan zawm lote chu hremna pek ann nih tur thu a sawi. Hetih lai hian petrol leh desiel a mantoa hralh an awm tih hriatchhuah a nih thu sawiin, hremna pek an nih tur thu a sawi bawk.