Assam-in paper mills 2 tan Rs vbc 810 hmang dawn

Assam chief minister Himanta Biswa Sarma chuan an state-a Hindustan Paper Corporation Ltd paper mills pahnih hluihlawn takte buaina chinfelna turin, state sorkar chuan Rs vbc 810 a hmang dawn tih a sawi.

Paper mills pahnih tana sum ruahman aṭanga Rs vbc 150 chu bank hnenah pek a ni ang, Assam Power Distribution Company Ltd (APDCL) hnenah Rs vbc 60-80 pein, a bak chu Nagaon leh Cachar paper mills-a thawkte hnenah sem a ni ang, a ti.

Ningani khan Chief Minister hian paper mills-a thawkte hnenah hian chhawmdawlna a sem a ni. Thu a sawiah, CM Sarma chuan state sorkar chuan hnathawkte pension tur pawh dah a ni dawn a, hei hi HPCL lam hian an pe dawn tih a sawi.

Paper mills-a thawk mi 66-te pawh sorkar department hrang hrangah dah an ni dawn a,hnathawk hluite tan hian trust siamin, hetah hian Rs vbc 25 dah a ni ang a, heta ṭanga pung chu hnathawktute puihna atan hian hman ṭhin a ni dawn tih CM chuan a sawi bawk.

HPCL paper mills pahnih, Cachar Paper Mill leh Nagaon Paper Mill te hi kum 2015, October leh kum 2017, March thla aṭang khan tihtawp a ni a, paper mills-a thawkte hian kum nga chhung hlawh an la tawh lo a ni.