Nagaland core committee-in hma lak dan tur rel dawn

Nagaland sorkarin Naga political issue (NPI) buaipui tura core committee a din chuan July 16 hian Parliamentary Committee member ṭhutkhawm buatsaih a, hma lak zel dan turah thutlukna siam an rel.

Core committee hi Parliamentary Committee hnuaia din niin, India sorkar leh Naga aiawhten Naga buaina chungchangah inremna an siam theihna tura nawrtu atana din a ni.

Ningani khan Chief Minister Residential Complex-ah core commiteee meeting hi neih a ni a, July 16-a MLA-ten president thar thlanna neih tura tana mock drill an neih zawhah, State Assebly Complex-ah meeting neih zui nghal hi an rel a ni. Committee thupuangtu leh minister Neiba Kronu chuan, "Naga political issue hi uluk takin kansawiho dawn a, inremna siam a nih thuai theihna tura sorkar laipui leh Naga group-te nawr dan turte pawh kan sawiho ang," a ti.

Sorkar laipui chuan Naga buaina chinfel dan ngaihtuah hian kum 1997 aṭang khan National Socialist Council of Nagaland NSCN(IM) leh kum 2017 aṭangin Naga National Political Groups (NNPG) te chu inbiakna a lo neihpui tawh a ni. Kum 2015, August 3 khan NSCN(IM) nen hian framework agreement an ziak a, kum 2017 November 17-ah NNPC nen Agreed Position an ziak bawk.