Arunachal : NPP-in civil service lak dan ratio thlak turin duh

National People’s Party (NPP)-a Arunachal Pradesh unit chuan state sorkar hnenah Arunachal Pradesh State Combined Competitive Examination (APPSCCE) hnuaia hna lak dan ratio, 80:20 chu 90:10 a thlak turin a ngen.

NPP general secretary Pangka Bage chuan an party chuan state civil service commission-in recruitment a kalpui dan chu uluk taka an sawiho thu sawiin, commission chuan tualchhung zirlaite hmakhua ngaiin, hna an lak dan kalphung chu an thlak a ngai nia thutlukna an siam thu a sawi a ni.

State Civil Service Commission-in hna a lak dan a kalpui meka tualchhung mite tan 80% dahin, 20% chu open a ni a, hetah hian tualchhung mite bakah non-APST pawh an tel thei a ni. NPP chuan hei hi thlakin, tualchhung mite tan hna lak tur aṭanga 90% chu dah an phut. Bage chuan APPSCCE-a state-related syllabus telh an duh thu pawh a sawi bawk.

Commission member zinga a senior ber chu chairman-ah hlan chhoh zelna tur police siam turin state sorkar chu an ngen a, hei bakah hian commission member-ah hmeichhia pakhat tal awm ve turin an rawt bawk a ni.