Hmarchhak khawpui fai ber Gangtok
Hmarchhak khawpui zingah Sikkim khawpui Gangtok chu fai berah thlan a ni.
Sorkar laipui hmalakna Swachh Survekshan-2017 hnuaiah hmarchhaka khawpui pakuate fai dan chu endik a ni a, Gangtok hi khawpui fai berah thlan chhuah a ni ta a ni. Swachh Survekshan-2017 hnuaiah hian ram chhunga khawpui 434 zet endik a ni a, Gangtok hian 50-na a luah phak bawk. Union Urban Development Minister M. Venakaiah Naidu chuan Ningani khan New Delhi-ah khawpui fai thlan result hi a puang a ni. Hmarchhak state dang Mizoram leh Manipur te chuan 105-na leh 122-na an luah phak bawk. Mizoram khawpui Aizawl chuan 105-na luahin, Manipur khawpui Imphal chu 122-na a ni. Assam khawpui Guwahati chu 134-na niin, Nagaland khawpui Kohima (208), Arunachal Pradesh khawpui Itanagar (216), Meghalaya khawpui Shillong (276), leh Tripura khawpui Agartala (290) te an ni bawk.
Assam khawpui Guwahati hian kum 2016 khan 50-na a huah phak a, kuminah nasa takin a tlahniam a ni.