Nagaland-ah mihring hmanga sumdawnna a hluar

Nagaland State Commission for Women (NSCW) chuan Nagland-ah mihring hmanga sumdawnna a hluar niin a tarlang.

NSCW chairman Dr Temsula Ao chuan, tunhnai kum reilote chhungin nasa takin mihring hmanga sumdawnna a hluar a, a bikin naupang leh hmeichhiaten an tuar nasa hle a ni, a ti. He thu hi Zunhe­boto leh Temsula-a human trafficking lamhawi awareness campaign-ah a sawi chhuak a ni. Temsula Ao chuan NSCW chuan kawng hrang hrangin a do let hna an thawk tih a sawi a, vawi eng emaw zat awareness programme buatsaih a nih tawh thu a sawi. Mihring hmanga sumdawnnah hian naupang leh hmechhiate chu hmanraw leklam ber an ni a ti a, hemi do tur hian ṭanrual a pawimawh thu a sawi. Hmeichhe awmnem zawk leh naupang te chunga hleihlenna thleng ṭhin te, sumdawnna atana hman an nih dan te tarlangin, hemi laka invendan te a tarlang bawk.

Nagaland State Commission for Women (NSCW) tarlan danin Nagland chauh ni lo, hmarchhak state dangah pawh mihring hmanga sumdawnna hi a hluar chho zel a ni.