Air Chief Marshal-in conference hmanpui

Indian Air Force (IAF) chief Air Chief Marshal B.S. Dhanoa chuan Meghalaya-a Commander Conference a hmanpui a, Field Commander-te security chungchang a sawipui.

Air Chief Marshal B.S. Dhanoa hian Ningani khan Meghalaya khawpui a thleng a, Shillong-a Commander Conference neih a hmanpui a ni. He conference hi Air Officer Commanding-in-Chief Eastern Air Command Air Marshal Anil Khosla-a'n a buatsaih a ni. Conference-ah hian hmarchhak dinhmun zirchianna neih a ni a, security lam a ṭha tawk em tih te sawiho a ni. Air Chief Marshal B.S. Dhanoa chuan Field Commander-te chu theihtawp chhuaha mipuite himna tura thawk tura a duh thu a sawi a, hmarchhak chu ramri depa awm a nih avangin security ngaih­pawimawh a ṭul thu a sawi.

Air Chief Marshal hi Zir­tawpni khan Delhi-ah a let leh a ni.