Meghalaya-in Shillong-a two-wheeler taxi service a khap

Meghalaya transport department chuan state khawpui, Shillong-a online leh offline method hmanga two-wheelers (bike leh scooter) taxi service a khap.

Regional Transport Authority Board chuan Motor Vehicle Act, 1988-a section 66-a sub-section (1) hnuaiah Shillong khawpuia offline leh online hmanga two-wheeler taxi service, Rapido leh Uber bakaha dangte chu a nih thu sawiin, dan bawhchhiate chungah action na taka lak a nih tur thu a sawi.

Sorkar thuchhuah hi mi tam takin na takin an sawisel a, ṭhalai hna nei lo tam tak tak tan two-wheeler taxi chuan eizawnna a siamsak a, hei vang hian thupek hi sut leh turin an phut a ni.