Tripura sorkarin tea auction centre din a tum

Tripura chief minister Manik Saha chuan an state-a tea auction centre din an tum tih a sawi.

State chhunga tea auction centre din a nih chuan, thingpui chingtute tan an thingpui thar chhuah hralh chhuahna kawng zau tak a hawn phah dawn a ni, a ti.

Tripura hian auction centre hi an la neih loh avangin thingpui thar chhuahte hi hralh turin Guwahati leh Kolkata auction centre-ah an thawn a ngai ṭhin a, hei hian a man pawh a tihpun phah a ni. Tripura hian kumtin thingpui hi kg nuai 9-10 vel an thar ṭhin a, India ram puma thingpui thar aṭanga 10% dawn a tling pha ṭhin.

Chief Minister chuan auction centre dinna tur hian state sorkar chuan theihtawpin hma a la dawn tih a sawi a, an state-a thingpui tharte chu Bangladesh-a thawnchhuah an tum dawn tih a sawi bawk.