Assam-ah BJP-in an sorkar kum thumna lawm dawn

Bharatiya Janata Party (BJP) chuan central-a an sorkar kum thumna chu May 26 hian an lawm dawn a, hemi puala thuchah hi Prime Minister Narendra Modi chuan Assam aṭangin a puang chhuak ang.

Central-a BJP kaihhruai National Democratic Alliance (NDA) sorkarin kum thum an tlin an lawm rual hian, Assam-a BJP-in thuneihna an chan kum khat tlin an lawm tel dawn bawk a ni. Assam state BJP unit President Ranjeet Kumar Dass chuan, Assam-a BJP kaihhruai sorkar kum khat tlin lawmna hi Guwahati-ah neih a ni dawn tih sawiin, he hunah hian PM Modi chuan thu a sawi dawn a ni. 

Modi-a'n thu a sawi tur hi offical-a puan a ni tawh a, PM hian Assam a cham chhung hian Dhola Sadiya lei dawh mek chu a hawng bawk ang. Chief minister Sarbanand Sonowal-a kaihhruai Assam sorkar hian tun thla ni 24 hian a kum khatna tling dawn a, ventral-a BJP sorkar kum thumna nen a ruala lawmna chu Assam khawpui Guwahati-ah buatsaih a ni dawn a ni.