Manipur : Loktak project kalpui dawn
Manipur-in power a indaih lohna phuhrukna turin Loktak Hydroelectric Project chu kalpui ṭan a ni dawn.
National Hydroelectric Power Corporation (NHPC) chuan hna hi an thawk dawn a, he project atan hian cheng vaibelchhe 1,250 ruahman a ni. NHPC Chairman and Managing Director KN Singh chuan tun hnai khan Manipur a tlawh a, hna thawh ṭan thuai tum a nih thu a sawi. KN Singh hian Chief Minister N Biren Singh chu he mi chungchangah hian meeting a neihpui a, hna kalpui dan tur an sawi dun a ni.
Project hian ram hectare 211.5 zet a nghawng dawn a, ram neitute hnena zángnadawmna pek tur pawh cheng vaibelchhe 13 ruahman a ni. KN Singh chuan chief minister hnenah hian zángnadawmna pek chhuah thuai a nih theih nan leh, hna ṭan thuai a nih theih nan hma lakpui turin a ngen.
Loktak Hydroelectric Project kalpui tur hian Central Electricity Authority aṭangin pawmpuina hmuh thuai beisei a nih thu NHPC Chairman and Managing Director KN Singh chuan a sawi bawk.