Manipur CM-in sipai lambuntute man tiam

Manipur Chief Minister N. Biren Singh chuan Thawhṭanni zinga 165 Territorial Army lambuntute chu zawn chhuah a, man a tiam.

165 Territorial Army-te hi Koirengei-ah lambun an ni a, sipai pahnih an thih bakah, hliam tuar an awm bawk. Sipai thite vuina hmanpuitu chief minister chuan, pawikhawihtute chu zawn chhuah a, man ngei an nih tur thu a sawi. Biren Singh chuan pawikhawihtute hi man a, dan anga na taka hrem an nih tur thu a sawi a, hetiang thil hi tun hnuah thleng tawh lo se a duh thu leh, mipuite chu chiai lo tura a duh thu a sawi.

Thi chhungte chu thinlung taka a tawrhpui thu a sawi a, hliam tuarte pawh an dam leh thuai a beisei tih a sawi. Pawikhawihtute zawn hna hi security force leh intelligence-te'n an thawk mek a, pawikhawibtute erawh hriat chhuah an la ni lo.