Arunachal Pradesh-ah in 29 kang ral

Aruanchal Pradesh-a Siang district-ah Zirtawpni khan chenna-in 29 zet chu a kang ral vek. Kangmei chhuahna hi Siang district-a Kerang khua niin, electric kal sual vanga thleng nia sawi a ni. Kangmei chhuak vang hian thi leh hliam na lutuk erawh an awm hriat a ni lo. Kaying police-te chuan kangmei chhuahna hmun hi an pan nghal a, chhanchhuah hna an thawk a ni. Kangmei tuar chhungkaw 29-te tan hian chen lailawkna tur ruahman sak an ni a, state sorkar chuan ṭanpuina awm thei angte a ngaihtuah sak bawk.