Kaziranga park khar rih dawn

Assam-a Kaziranga National Park chu karleh aṭang khian khar rih a ni dawn a, tlawh theih a ni lo ang. Park Director Satyendra Singh chuan, May 16 aṭangin park hi khar a ni dawn a, jeep leh sai chunga chuanga park fan pawh hun eng emaw chhung atan khar a ni ang, a ti. April thlaa ruah sur khan park chhunga inkalpawhna kawngpui eng emaw zat chu a chim a, hei hian harsatna a thlen a ni. Tunhnaiah ruah a tlak leh avangin fimkhur thilah park hi khar lailawk a ni dawn tih Satyendra Singh chuan a sawi. Kaziranga National Park hi November 1 - April 30 chhung tlawh theiha hawn ṭhin a ni.