Nagaland-ah Covid-19 positive 25 awm belh

Nagaland-ah nimin khan sample 609 endik zingah 25 chuan coronavirus an kai tih hmuh chhuah a ni a, hri kai hmuh chhuah tawh hi mi 412 an awm tawh. 

Hri kai hmuh thar zinga 20 hi Dimapur quarantine centre-a awm niin, Kohima QC-a mi pathum leh Peren QC-a mi pahnih an tel bawk. 

Health minister S Pangnyu Phom chuan an state-a hri kai hmuh tawh zinga 164 chu an dam tawh tih a sawi a,  hri kai mek hi 248 an an la awm a ni. 

Nagaland sorkar chuan Inrinni khan Dimapur-a Christian Institute Of Health Sciences & Research (CIHSR)-ah Bio-Safety Level 2 (BSL-2) laboratory a hawng a, hei hi an state-a Covid-19  hri leng meka test tam zawk an neih theihna tura puitu ṭangkai tak a ni dawn tih Health Minister chuan a sawi a, Covid-19 bakah ni dangah pawh hri dang test-na atan hman a ni dawn a ni, a ti.