Meghalaya-ah Assam mi sawisa hlum

Meghalaya-a North Garo Hills-ah Assam aṭanga kal unau pahnihte chu sawisak rawn an ni a, pakhat thiin, pakhatin hliam na tak a tuar ve bawk. He thil hi North Garo Hills-a Narangkol khuaah Pathianni zan dar kua vel khan a thleng a ni. Ruang hi NH 51-ah kalsan a ni a, hliam tuar hi Bajengdoba PHC-ah dah luh a ni. Police-te chuan pawikhawihna thlenna hmun hi an pan nghal a, thi te hi Assam-a Simulbari khuaa cheng an nih thu an sawi.

He thil thleng chuangchang­ah hian thubuai ziah luh a ni a, chhui zui mek a ni.